На правядзенне Кубка свету па рэгбі-7 у 2013 году прэтэндуюць толькі Расія, Нямеччына і Бразілія.

29 лістапада Міжнародны зьвяз рэгбістаў (IRB) назваў капітана зборнай Новай Зэляндыі Рычы Маккоў лепшым гульцом году. Маккоў стаў першым рэгбістам, які атрымаў гэтую ўзнагароду двойчы ў кар’еры. Першы раз гэта адбылося ў 2004 годзе.
Акрамя таго, зборная ПАР прызнаная лепшай камандай году, а тытул «лепшы трэнер» дастаўся галоўнаму трэнеру зборнай Ірляндыі Дыклэну Кідні.
«Спрынгбокс» сёлета выйгралі Кубак трох нацый і атрымалі перамогу ў сэрыі супраць «Брытанскіх і ірлфндскіх Львоў». Каманда Кідні перамагла ў Кубку шасьці нацый-2009 і выйграла першы для сябе за 61 год Грэнд-Слэм. Акрамя таго, ірляндцы ні разу не …

6 лістапада IRB прадставіў намінацыю на званьне лепшага рэгбіста 2009. У шорт-ліст увайшлі сем чалавек. Пералічам іх: Мэт Гіта (Аўстралія), Том Крофт (Ангельшчына), Франсуа Штэйн, Фуры дзю Пры (абодва – ПАР), Джэймі Хісліп, Браян А’Дрыскал (абодва – Ірляндыя), Рычы Маккоў (Новая Зэляндыя).
Пераможцы ў намінацыях «Лепшы гулец», «Лепшы трэнер» і «Лепшая каманда» будуць названыя ў канцы лістапада. Варта адзначыць, што Рычы Маккоў можа стаць першым гульцом, які атрымае прыз двойчы.

На заплянаваным на 13 жніўня паседжаньні выканаўчага камітэту МАК будуць названыя два віды спорту, рэкамендаваныя для ўключэньня ў праграму Алімпійскіх гульняў 2016 году. Сфармаваны сьпіс з сямі відаў, з якіх будзе зроблены выбар: бейсбол, гольф, каратэ, рэгбі-7, ролерны спорт, сквош, софтбол.

Паводле інфармацыйнага агенства Associated Press, Міжнародная рада рэгбі (IRB) можа прыняць рашэньне аб скасаваньні Кубка сьвету па рэгбі-7 у выпадку ўключэньня гэтага віду спорту ў лік алімпійскіх.