Рэгбі (ангел. rugby union, часьцей выкарыстоўваецца проста rugby) — спартовая камандная гульня з авальным мячом, які гульцы кожнай каманды, шляхам перадачы адзін аднаму рукамі і нагамі, імкнуцца прызямліць у заліковым полі за варотамі суперніка або забіць яго ў Н-падобныя вароты (пры гэтым мяч павінен праляцець над ашэсткам варот).

Рагер (ангел. rugger) — гутарковы назоў рэгбі па правілах rugby union.

Гульня ажыцьцяўляецца на прастакутным травяным полі памерамі ня больш 144 х 70 м (і 100 м для адлегласці паміж лініямі галоў) і праходзіць у два таймы па 40 хвілін (магчыма і дадатковы час).

Поле для гульні ў рэгбі

Сутнасьць гульні ў рэгбі

Гульцы каманды (якая складаецца з 15 чалавек) перадаюць адзін аднаму авальны мяч, імкнучыся данесьці яго як мага бліжэй да заліковай зоны. Калі гулец каманды атакі заносіць мяч у заліковую зону і дакранаецца ім зямлі, яго каманда атрымлівае 5 ачкоў (спроба, або намець; ангел. try) і права на дадатковы ўдар (рэалізацыя; ангел. conversion), які павінен быць выраблены з любой кропкі ўяўнай лініі, раўналежнай бакавіне, праведзенай праз месца, дзе была вырабленая спроба. Ачкі можна таксама запрацаваць, забіўшы мяч у вароты са штрафнога ўдару або пасьля адмысловым чынам выкананага ўдару падчас гульняў (дроп-гол; ангел. drop goal).

Каманда ў сіняй форме (Western Force, Australia) у атацы

Мяч можна кідаць гульцу сваёй каманды (пас), але толькі назад або раўналежна лініі варот «ад варот суперніка». Нагой мяч можна пасылаць і наперад, але лавіць яго можа толькі той гулец сваёй каманды, які ў момант удару знаходзіўся ззаду таго, што б’е.

Галоўныя спаборніцтвы ў сьвеце рэгбі