Чым запомніўся Кубак трох нацый гэтага году? Трохі фактаў і статыстыкі:

Пасьля перамогі ў 8-м туры над зборнай Новай Зэляндыі зборная Паўднёвай Афрыкі канчаткова гарантавала сабе першай месца ў заліку Кубку трох нацый гэтага году. У перадпачатку заключнага туру паўднёваафрыканцы з пяцьцю перамогамі з шасьці магчымых былі недасягальныя для найбліжэйшага канкурэнту – новазэляндцаў, на рахунку якіх, нават пры дадатным для іх зыходзе матчу з аўстралійцамі, было б толькі тры перамогі.

З 29 жніўня па 12 верасьня адбыліся матчы трох тураў (з 6 па 8-мы) Кубку трох нацый 2009. У другі раз зборнай ПАР жэрабя вызначыла згуляць тры матчы запар, тым ня менш, гэта не пахіснула пазыцыі Паўднёваафрыканскай зборнай у дужаньні за Кубак. Прыдзім вынікі адпаведных тураў:
Week 6 (29.08) : Аўстралія – ПАР – 25:32 (6:22)
Week 7 (5.09): Аўстралія – ПАР – 21:6 (9:6)
Week 8 (12.09): Новая Зэляндыя – ПАР – 29:32 (12:22)
Прадстаўляем вашай увазе відэаагляд драматычнага матчу 8-га туру паміж Новай Зэляндыяй і ПАР:

Відэа хакі All Blacks перад пераможным матчам

У суботу 22 жніўня адбыўся пяты матч Кубка трох нацый. Зборная Новай Зэляндыі выйграла ў гасьцях у Аўстраліі: Аўстралія – Новая Зэляндыя – 18:19 (12:3)

Кіраўнік Навазэляндскага зьвязу рэгбі Джок Хобз (Jock Hobbs) заявіў, што не шкадуе аб перапрызначэньні трэнэраў каманды All Blacks Грэма Генры (Graham Henry), Стыві Хансэна (Steve Hansen) і Вэйна Сьміта (Wayne Smith).
Нагадаем, зборная Новай Зэляндыі ў сваіх апошніх двух матчах на Кубку трох нацый, які праходзіць ў гэты час, двойчы трывала паразу ад зборнай ПАР (28:19 і 31:19).