16 лістапада IRB прадставіў намінацыю на званьне лепшага рэгбіста 2009. У шорт-ліст увайшлі сем чалавек. Пералічам іх: Мэт Гіта (Аўстралія), Том Крофт (Ангельшчына), Франсуа Штэйн, Фуры дзю Пры (абодва – ПАР), Джэймі Хісліп, Браян А’Дрыскал (абодва – Ірляндыя), Рычы Маккоў (Новая Зэляндыя).

Пераможцы ў намінацыях «Лепшы гулец», «Лепшы трэнер» і «Лепшая каманда» будуць названыя ў канцы лістапада. Варта адзначыць, што Рычы Маккоў можа стаць першым гульцом, які атрымае прыз двойчы.

«Званьне «Лепшы гулец года» – ганаровая ўзнагарода для рэгбістаў. Яе пераможца вызначаецца па выніках выступаў у міжнародных матчах на працягу году, у тым ліку Кубку шасьці нацый, турнэ Брытанскіх і ірляндскіх Львоў, Кубку трох нацый і чэрвеньскіх і лістападаўскіх тэставых матчаў», – цытуе прэзідэнта IRB Бэрнара Лапасэ афіцыйны сайт арганізацыі.

Папярэднія ўладальнікі прэміі:
2001 – Кіт Вуд (Ірляндыя)
2002 – Фаб’ен Галц’е (Францыя)
2003 – Джоні Ўілкінсан (Ангельшчына)
2004 – Скалк Бургэр (ПАР)
2005 – Даніэль Картэр (Новая Зэляндыя)
2006 – Рычы Маккоў (Новая Зэляндыя)
2007 – Браян Хабана (ПАР)
2008 – Шэйн Уільямс (Уэльс)