Springboks (”Газэлі”) – зборная каманда Паўднёваафрыканскай рэспублікі па рэгбі. Першы свой міжнародны матч каманда згуляла 30 ліпеня 1891 году супраць каманды Брытанскіх выспаў (British Isles). Перамога ў хатнім матчы з лікам 4-0 тады дасталася “Газэлям”.

І хоць голас ПАР стаў вырашальным пры прыняцьці рашэння аб усталяваньні Кубку сьвету па рэгбі, зборная гэтай краіны не прымала ўдзелы ў першых Кубках 1987 і 1991. Падставай таму стаў спартовы байкот Паўднёвай Афрыкі ў знак пратэсту супраць праводжанай у краіне палітыкі апартэіду. Дэбютам зборнай ПАР стаў ўдзел у Кубку 1995 году, калі новая дэмакратычная рэспубліка сама прымала турнір. У фінале Springboks нанесьлі паразу новазэляндцам (All Blacks), выйграўшы сустрэчу з лікам 15-12. Гэты захапляльны матч увайшоў у летапісы як адзін з найвялікшых момантаў у спартовай гісторыі ПАР, а таксама стаў своеасаблівым водападзелам працэсу кансалідацыі нацыі ў перыяд пасьля падзеньня рэжыму апартэіду.

ПАР ізноў стала чэмпіёнам у 2007 годзе, тым разам ў фінале з лікам 15-6 была пераможаная Ангельшчына.