Падчас рака, мола і сутычкі гульцам забаронена прадпрымаць актыўныя дзеяньні, знаходзячыся ў афсайдзе, гэта значыць паміж уяўнай лініяй, якая праходзіць за пяткай апошняга гульца сваёй каманды, які ўдзельнічае ў раку, моле або сутычцы, і лініяй варот суперніка. За парушэньне прызначаецца штрафны ўдар. Нельга таксама актыўна спрабаваць гуляць, знаходзячыся наперадзе свайго таварыша па камандзе, які валодае мячом, і спрабаваць завалодаць мячом пасля ўдару нагой, зробленага гульцом сваёй каманды, калі падчас удару ён знаходзіўся не перад гульцом, што спрабуе схапіць мяч.

Рэферы выносіць папярэджаньне гульцу за фол

Забараняецца даваць пас наперад і дазваляць яму адскокваць наперад ад цела (гульня наперад) — выключэньні дапушчаюцца, калі мяч пачаў рухацца наперад адскочыўшы ад зямлі, і ў выпадку блякавання ўдараў нагой са боку суперніка. Калі пасьля пасу або гульні наперад каманда губляе мяч, суддзя можа даць часавую перавагу камандзе суперніка: калі яны страцяць мяч, гульня будзе спыненая і суддзя прызначыць сутычку ў іх карысць (у выпадку наўмыснай гульні наперад — штрафны).

Шматлікія правілы рэгулююць парушэньні ўсярэдзіне рака, мола і сутычкі. Пры захопе забараняецца цаляць у галаву і плечы суперніка, гулец заўсёды павінен імкнуцца менавіта схапіць яго. Забароненыя падножкі, хоць захопы ног дазволеныя.

Звычайна за выпадковыя парушэньні (такія як пас або гульня наперад) прызначаецца сутычка, за наўмысныя — штрафны ўдар. Каманда, якая атрымала права на штрафны ўдар, можа прабіць яго (калі мяч са штрафнога сыдзе ў аўт, укідаць будзе каманда, якая прабівала штрафны), можа скарыстацца правам на сутычку.

За грубіянскія парушэньні гулец можа атрымаць жоўтую картку: тады ён абавязаны пакінуць поле на 10 хвілін. Чырвоная картка азначае выдаленьне да канца гульні.

У рэгбі забаронена таксама любое супрацьдзеяньне суперніку, не які валодае мячом (адзінае выключэньне: калі абодва гульца бягуць плячом да пляча).

Калі парушэньне правілаў прадухіліла непазбежную спробу, каманда атакі атрымлівае штрафную спробу (5 ачкоў) і права на рэалізацыю.

Калі гулец каманды абароны зрабіў пас у сваю заліковую зону, а гулец, які атрымаў яго, дакрануўся ім да зямлі, каманда атакі атрымлівае права на сутычку за 5 мэтраў да лініі варот.