Краіна або краіны, якія праводзяць чарговы Кубак, вызначаюцца галасаваньнем краін-чальцоў IRB. Працэдура галасаваньня праводзіцца незалежнымі аўдытарамі, а галасаваньне зьяўляецца таемным. Пакуль усе Кубкі праводзіліся ў краінах, дзе рэгбі зьяўляецца папулярным спортам; гэтая тэндэнцыя была працягнутая, калі Кубак 2011 году быў аддадзены Новай Зэляндыі, а не Японіі, якая традыцыйна зьяўляецца больш слабой рэгбійнай краінай. Цяпер вызначэньне гаспадароў Кубка адбываецца за пяць–шэсьць гадоў да пачатку турніру, як у выпадку з Новай Зеландыяй, калі рашэньне было прынята ў канцы 2005 году.